WhatsApp Image 2022-08-31 at 4.12.12 PM.jpeg

CLOWN / Martes 20:30-22:30h

Destinado a maiores de 16 / Comezo das clases 20 setembro / +Info: 630 69 31 48

Que pasa cando estou ante o público? Como podo vencer o medo escénico e facelo favorable? Síntome ridículo e non sei facer rir? Temos a solución: control da presenza escénica, voz, corpo, xogo e emoción. Viaxaremos a través da improvisación e a técnica en busca do pallaso escénico, indagando na sensibilidade, a autoescoita, a dispoñibilidade, o contacto co público, a fantasía, a inxenuidade, o fracaso e o éxito, e o corazón daquilo que damos en chamar o noso propio clown.

Carlos Sante

Actor profesional cunha ampla traxectoria en teatro, televisión, cine e locucións. Imparte formación de clown desde o ano 1999.
Socio fundador de Manicómicos, asociación na que traballa habitualmente en proxectos como as súas galas anuais,

a formación continua ou o seu Festival Manicómicos.
Formouse con grandes mestres do xénero como Carlo Colombaioni, Joseph Collard, Philippe Gaulier ou Michael Dallaire.

TEATRO / Mércores 20:30-22:30h

Destinado a maiores de 16 anos / Comezo das clases 21 setembro / +Info: 630 13 34 03

Neste curso imos aprender teatro XOGANDO. Poremos a punto as actrices e actores que levamos dentro, para finalmente poder representar pezas teatrais diante do público.

Todo o que vas aprender serve para o escenario e para a vida, e compartirás esta experiencia cun grupo de persoas que teñen as mesmas inquedanzas e ganas de divertirse ca ti.

Diana Sieira

Actriz e produtora polifacética dende 2005.
Na miña mochila están o teatro clásico e o contemporáneo, o clown, a comedia, o stand-up, a performance, a commedia dell’arte, os títeres, o cabaré, a impro e o canto.
Todas estas ferramentas poreinas ao teu servizo para atopar as mellores para tí e a túa forma de expresarte.

ONDE: Os cursos levaranse a cabo na sede da Asociación Cultural Manicómicos, na Avenida da

Concordia 194 baixo, 15009 A Coruña.

CANDO: A partires de mediados de setembro 2022 e ata mediados de xuño 2023. Consulta cando comeza cada curso co profe en cuestión, pois non todos o fan ao mesmo tempo.

PREZOS: Cobramos unha matrícula única anual de 20€, independentemente da idade do alumno, para os gastos do seguro escolar.
Cada curso para adultos ten un prezo de 40€ ao mes. Se fas dous sáeche a 35€ cada un.
Se fas tres ou máis, a 30€ cada un.

Os pagos levaranse a cabo a primeira semana do mes en curso no mesmo local co teu profe, a cambio dun recibo, podendo optar por facer domiciliación bancaria se é máis convinte.

DESCONTOS: Podes obter descontos de 5€ ao mes por cada curso se te asocias a Manicómicos. Ademáis, matrícula gratis! Ten moitas vantaxes pertencer a unha asociación que leva facendo tantas cousas interesantes dende o 2004. Se queres ser un Manicómico ou Manicómica máis pregúntanos e explicámosche os pasos a seguir.

INSCRICIÓNS: Podes apuntarte chamando por teléfono ao teu profe e xa che explica os pasos a seguir. O máis cómodo é que probes unha clase, e se che gosta, xa formalices o proceso na seguinte. Cando decidas quedarte, terás que cubrir unha serie de datos persoais, e xa, a formarte.

ACTIVIDADES PARALELAS: Aparte da mostra de fin de curso ante o público, que sempre é todo un momentazo inesquecible, poden xurdir actividades como clases particulares ou monográficos, visionado de vídeos temáticos, ensaios ou prácticas, saídas a ver espectáculos xuntos, construcción de decorados, vestiario e atrezzo, participación na gala de xaneiro ou no Festival de verán...

ou o que tí queiras propoñer. Non te vas aburrir, e coñeceras xente nova e estupenda.

TÉCNICA VOCAL E CANTO / Xoves 20:30-22:30h

Destinado a maiores de 15 / Comezo das clases 13 de outubro / +Info: 618 07 65 34

Canta e xoga coa túa voz! Buscamos coidar e liberar a voz propia coas súas múltiples posibilidades expresivas para cantar e falar con pracer. Cores vocais, canto individual e grupal, rexistros, intensidade, prosodia, improvisación e efectos... A voz é corpo e, sempre dende a saúde vocal, a través de propostas, xogos e exercicios creativos, adquiriremos ferramentas para entender e acadar unha voz libre que aceptemos como propia e bela por única, e que funcione por si mesma como instrumento musical e comunicativo.

María Alkayali

Actriz e profesora de técnica vocal, con 7 anos de experiencia
e máis de 150 alumnos. Titulada en canto lírico, grao profesional, e moderno: Rock School vocals grade 8. Formada actoralmente en Espazo Aberto, e licenciada en Xornalismo, investiga amplamente sobre a anatomía da voz. Ten niveis 1 e 2 de Estill Voice Training (Voicecraft) no 2019 e actualización no 2021. Formouse en canto lírico e moderno, voz teatral e técnica Alexander e como soprano do Coro da Sinfónica de Galicia.

DANZA TRIBAL GYPSY / Venres 20-21h

Destinado a maiores de 13 / Comezo das clases 16 setembro / +Info: 676 16 11 74

A danza tribal é unha elegante danza oriental que fusiona raíces da India, Oriente Medio, Asia central, norte de África e España. O seu vocabulario de movemento combínase cunha conexión corporal entre os membros, baseado na cooperación feminina. Neste curso traballaremos o vocabulario e a técnica básica tribal, as improvisacións e a propia saia de Tribal Gypsy.

Kaena

Graduada no Saada Oriental Techniques Center, unha escola apadriñada por Kerensa DeMars (antiga membro de Fat Chance Belly Dance) e ex-membro do Saada Tribal Group.
Ten estudios de bailes e fusións árabes, flamencas, xitanas ou danzas indias como Bharatanatyam, Odissi, Kathak, así como de xiro sufí, danza contemporánea e diferentes técnicas marciais como Wu Wei ou Aikido.

Cursos Monográficos

Polo momento non programamos ningún curso monográfico na asociación. Siguenos en facebook ou na web para estar ao tanto das nosas actividades.

Toda a información referente a proxecto formativo Hangar Manicómico póidaa atopar na seguinte páxina web: www.hangarmanicomico.com